Shillong: All India Congress Committee (AICC), mikkang ja February 21 tariko ong·atnasienggipa KHADC aro JHADC election-o chegipa ong·e Executive Committee (EC)-ko rikna ka·dongsoaniko Sonibar salo parakaha.
Ia district council election-ara Congress-na bilongen mongsonggipa ong·a ine janapate AICC general secretary incharge of Meghalaya A Chellakumar, Meghalaya-o Congress bilaktaigen ine ka·donganiko aganaha.
Uandake Khasi Hills Autonomous District Council-o Congress-ni NPP-na chakpaani gimin aganengon, indine aganaha, “Indian Constitution-ni Sixth Schedule-ko bilakatna miksonganio chinga NPP-na chaka.”
Minggpin Congress party baksa bang·an bakrimna am·enga ineba AICC incharge a·kangaha.
“Jemangan Congress-ona re·bana am·enga, chinga pilakon rimchaksoa, sawarang re·baenga, iako na·simang somoi sokaon u·igen ine Chellakumar aganaha.”
Je party dilgparangan Congress-ko watahachim, uamangba party-ona re·bapilnaba donga.
Indake ong·engon party, gitcham Congress dilgiparang Mukul Sangma aro Charles Pyngrope aro gipinrangna party-ona okampilani maming lekka ba okampila dongkuja, indiba chinga gimik Congress-ni manderangkon party-ona re·bapilako nangnika, ine Chellakumar agandapaha.
Una skang AICC incharge, re·baenggipa MDC poll-o susana seokgipa candidate-rangko Congress Bhavan-o tom·aniko ong·atao grongaha.
