Shillong: Tura MP Saleng Sangma, Baljek Airport-ko a·bachengna ba kuliatna man·a gita ta·rake kamrangko ka·china Department-Related Parliamentary Standing Committee on Personnel, Public Grievances, Law and Justice-ko mol·molataha.
Baljek airport-ko batanggimin ru·uta bilsirangonin indin galchipe donenga. Airport-o sildoreng watanirangko nikani palo dingtang dingtang music festival-rangko ong·atronga. Iani gimin jajrenganiko janapaon Standing Committee, ta·raken nirokatna aganchakaha. Indake Committee, a·dok sorkariko nangchongmotgipa license aro gipin lekkarangko on·atchina ge·etaha.
Iarangni gisepon Tura MP, Shillong-Delhi flight ba Shillong-oni Delhi-ona watgipa sildorengko antio salgnisan watani palo salantion watskachina mol·molaha.
Standing Committee, aviation-ni bidingo chagronggipa dingtang dingtang neng·nikarangni giminba agangrikaha. Jekai a·songni dingtang dingtang airport-rango airfare ba sildorengni para dam rakani giminba agangrikaha.
