Shillong: A·dok-ni Congress dol Khasi Hills Autonomous District Council (KHADC)-o election-o dakgrikna gita bon·kamgipa candidate-ko parakanga. Sukrobar salni bako Congress dol gni-gipa candidate-rangni list ko parakatahaoba Ri-Bhoi ni ning·o KHADC Election na dam bonga constituency na sak-bri kosan parakataiaha, Indake bangki dongkugipa Nongpoh seat-o susana gita robibar salni bako Lawrence Nongrum-ko baseangaha. Indake a·jani gipin dam bri constituency na basegimin rang Dominic Mynsong-Mawhati, Rocky Marwein-Umsning, MD Syiem-Umroi, aro Victor Rani-Jirang-o susaani-ko dakanggen.
Indake ia bon·kamgipa candidate ong·e an·tang-ko baseanina Meghalaya Congress, Ri-Bhoi District Congress Committee, aro Nongpoh Block Congress Committee-ko gisik ka·tong chi mittelan baksa ka·dongani-ko one ADC Election-o dakgrikna gita party ticket on·ahanina mittelangaha. Una agreba a·doko, Nongpoh constiyuency ning·o aro songdongenggipa gimiknan development-ko ra·bana miksonganina ia chol-ko Congress dol on·aha ine Nongrum u·idapatangaha.