Thursday, April 17, 2025

Myriaw Rural Health Centre-ko CM kulie on·anga

Date:

Share post:

SHILLONG: Eastern West Khasi Hills a·jani Mawthadraishan constituency-ni ning·o donggipa Myriaw Rural Health Centre (RHC)-ko Bristibar salo, a·dokni Chief Minister Conrad K Sangma kulie on·angaha aro ia Rural Health Centre-ko kulie on·anganio, Rajya Sabha MP Dr WR Kharlukhi, Mawthadraishan MLA Shakliar Warjri, sorkari official-rang aro jolo songdongenggipa manderangba bak ra·angtokaha.

Ia Myriaw Rural Health Centre-ko kulie on·anganio a·dokni Chief Minister, jinmana aganprakangengon, sanna banani kamrango chagrongna nangenggipa dingtang dingtang ra·bianirangko janapangenba, batanggimin bilsisnini gisepo a·dokni songadam nokadamrango sanna banani kamrangko namdapatna sorkarini ja·ku de·anirangko jinmana talate on·angaha.

Budget-o Health department-na 9 percent-ko chamanichi sanna banani kamrangko nambatatna sorkari rake kamko ka·enga ine janapatengon, a·song gimiko ian Health department-na bang·bate tangka chamani ong·enga aro ian sorkarini on·kanganiko mesokani ong·enga ine Chief Minister aganaha.

Ia Myriaw RHC-ko rikna gita Chief Minister’s Special Development Fund-oniko gong lak 38.8 tangkarangko chame on·aha ine janapatengon, ia RHC-na sorkari, gong lak 38 tangkarangko chamdapatgen ine Chief Minister parakataha.

Ia Rural Health Centre-ni ning·o dam 21 songrangko man·chapenga aro ia RHC-ko Shillong-ni Dr HG Roberts Hospital chalaiengani gimin ian a·doko hospital-rangchi chalaienggipa RHC-rangoni brigipa ong·enga.

 

Related articles

Pressure on CM to exempt Meghalaya from Waqf Act

SHILLONG, April 16: Pressure is mounting on Chief Minister Conrad K Sangma to safeguard the religious rights of...

Tura MP slams govt for ignoring critical issues

SHILLONG, April 16: Tura Lok Sabha member Saleng A Sangma has criticised the NPP-led MDA Government for failing...

HC orders NHAI to repair NH-6 within 2 months

SHILLONG, April 16: The High Court of Meghalaya on Wednesday adjourned a PIL on the strengthening and improvement...

Facing opposition, MIDC drops Ri-Bhoi industrial estate plan

SHILLONG, April 16: Following opposition, the Meghalaya Industrial Development Corporation Ltd (MIDC) has finally decided to cancel the...