SHILLONG: MDC poll-na skang bang·a NPP -ni MDC-rang party-oni ong·katengon NPP-ni President aro Chief Minister Conrad Sangma, party-ko agrepile ka·dongprete mesokjachina aganaha.
Kobor ra·timgiparang baksa agangrikmitingo CM Sangma indine aganaha, je ‘party, election-na raken kam ke·enga, salantion kamrangko nipilenga. Election ge·antian mongsonggipa ba gamchatgipa ong·a, indiba chingni party-an chetelgen ine ka·dongpreta dongja.
“Chingni party dilgiparang election-na tarisoenga ine janape Sangma, NPP-ni dilenggipa KHADC-ni EC-ko Council-o nakatgipa neng·nikarangko namatanina de·mittelaha.
Uandake VPP-ni election-na toromni bimingko jakkalengani gimin sing·aon CM indine aganaha, “songsalni manderang pangnan toromni bidingko politics-oni chel·e rakkia, jeba ong·china election-o manderangsa an·tangtangna dilgipako seokgen. Sorkari, maming neng·nika gri MDC election-ko ong·atna jotton ka·enga aro election-na nanggipa machine aro manderangko sorkari nirokatenga.
