SHILLONG: Shillong Municipal Board, February 7 tarikoni street vendor ba ramajolo dokan dakgiparangko uamangna kanggipa biap ba vending zone-ona jitatgen ine aganaha.
Meghalaya Street Vendors (Protection of Livelihood and Regulation of Street Vending) Scheme 2023-ni niamo pangchake rama jolo dokan dakgirangko survey ka·aha, jean meja bilsi 2024 January jao matchotaha.
Meja bilsion eligible street vendor ba survey ka·anio seoka man·gipa list-o donggipa rama jolo dokan dakgiparangni list-ko parakataha. Town Vending Committee-ni agan-ku·pattio sorkari, Khyndailad jolna street vending zones-ko sandiaha.
Vending zone-na basegipa ba dongipa biaprangara- MUDA Parking Lot-ni ka·magipa, MUDA Complex-ni mikkangchakgipa, SBI Main Branch-ni mikkango donggipa parking lot ong·ka.
Notice-ni gita local authority, sorkarini ge·etani gita vending zone-ko name dake tarienga, jekon February jani skanggipa antiode matchotgnok.
Uni ja·man ramajolo dokan dakgiparangko vending zones-ona February 7 tarikonide jitatgnok. January 15 tarikonin vending certificate-ko on·na a·bachengataha.
Street vendor-rangnaba lekkako sokataha. Indiba uamangoni bang·arangan biapko apjitatna notice on·ako ra·chakna jechakaha.
