M’laya Day-ko manianio gital Secretariat-ko rikna CM-ni jakchi pangchakaniko songa

SHILLONG: Mongolbar salo, a·dokni chang 53-gipa Meghalaya Day-ko maniani bak gita a·dokni Chief Minister Conrad K Sangma, gital Secretariat-ko New Shillong-ni Umsawli-o rikna gita pangchakaniko songe on·angaha aro ia pangchakaniko songanio, a·dokni Deputy Chief Minister Prestone Tynsong, sakgipin Deputy Chief Minister Sniawbhalang Dhar, Power Minister Abu Taher Mondal, Health Minister Ampareen Lyngdoh, PHE Minister Marcuise Marak aro Cooperation Minister Comingone Ymbon aro gipinrangba dongpae bak ra·angtokaha.
Ia gital Secretariat-ko rikna pangchakaniko songe on·anganio a·dokni Chief Minister, jinmana aganprakangengon, ia gital Secretariat-ko rikaniara nokko rikmangmanganisan ong·jaenga indiba Shillong songjinmako apalbatataniba ong·enga ine parakangaha.
Ia gital secretariat-ni design-ko tariani bidingo janapangengon, ian AI-oniko tarigipa noksarang ong·ja indiba ian ia biapo ong·katna sienggipa nokna jakchi tarigimin noksasa ong·enga aro iako tarianio bilsisana baten nangaha ine Chief Minister parakataha.
New Shillong Township (NST)-o rikenggipa Administrative City aro Knowledge City-ko dal·roroani centre ine janapatengon, ia biapo gital Secretariat aro ramarangko tarianichi a·dokna aro a·doko songdongenggipa manderangna sorkari pangchakaniko songe on·enga ine Chief Minister parakataha.
“Ia New Shillong-na gong crore 5500-ko invest ka·na gita sorkari tik ka·manaha aro unbaksana crore 10,000-mangni gita tangka paisarangko chamdapna miksonganirang dongkuenga,” ine Sangma aganaha.
Meghalaya a Ia gital Secretariat-ko acre 53 ong·gipa a·ao rikna sienga aro iana gong crore 1188 korosko hisapenga.
A·dokni chadamberangna, game ge·e cha·giparangna aro me·chikrangna sorkari, dingtang dingtang scheme-rangko ra·gatanichi manderangni janggi tangani gadangko namdapatna man·enga ineba Chief Minister aganaha.
Ia tom·anio jinmana aganprakanggipa gipin manderangara, a·dokni Deputy Chief Minister Prestone Tynsong, Deputy Chief Minister Sniawbhalang Dhar aro gipinrang ong·a.
Ia gital Secretariat-ko Umsawli-ni acre 53 ong·gipa a·ao rikenga aro iana gong crore 1188 korosko chame donenga. Ia gital Secretariat aro Directorate campus-ko bakgni dake New Shillong administrative township-o rikgen aro skanggipa bako dam 68 office-rang, auditorium aro sak 1829 kam ka·giparangna biaprang donggen.
Gnigipa complex-o lak 1.25 sq metre biap dongskagen aro iano dam 56 office-rang, sak 4746 kam ka·giparangna biaprang aro dam 2 auditorium donggen.