SHILLONG: Re·baenggipa February 21 tariko ong·atenggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-o susana gita Mongolbar salo Bharatiya Janata Party (BJP)-ni skanggipa list-o sak 17 candidate-rangko parakataha.
Ia sak 17 candidate-rangoni sak 14-de KHADC-na aro sak 3-de JHADC election-o susanagiparang ong·enga.
KHADC aro JHADC election-o susana sienggipa candidate-rangko parakatani ja·man kobor ra·timgiparang baksa agangrikengon, skanggipa changna BJP, district council election-o bang·bata seat-rangon susana sienga ine BJP-ni state general secretary Wankitbok Pohshna parakataha.
“Ia district council election-o susaanichi district council-rangni pangchakaniko mangrakbatatanio BJP-na dakchakani ong·gen ine chinga ka·dongenga. Uni gimin manderang chingni candidate-rangko seokgen ineba chinga ka·dongenga,” ine ua aganaha.
Candidate-rangni gnigipa bimingrangko January 27 tarikna skangan parakatgen ineba Pohshna aganaha.
Khasi aro Jaintia Hills-ni badiaba badiaba constituency-rango BJP cheani cholrang dongenga ineba ua aganaha.
Batanggimin chang election-rango candidate-rang tangka paisarangko jakkalsreta ine matnanganirangna aganchakaniko on·angengon, “Batanggimin chang election-rango mai ong·a ukode anga aganna man·jawa indiba je candidate-rangkon da·alo parakatahachim, uamangko chinga re·ange name dakchina didiatenga,” ine BJP-ni state general secretary aganaha.
KHADC election-na BJP-ni parakatgipa candidate-rangara, Himanta