Baghmara: South West Khasi Hills -ni border village ba sima ari nangchapgipa song Gillagora gita Bangladesh-oni manderang niamgri altuen napbaenga ine Garo Omniscience for Ethnic Renaissance and Awakening (GOERA), Nongalbibra unit, jajrenganiko parakate, ian a·songni chelchakanina kenchakani ong·a ine aganaha.
Bangladesh-oni sakchet manderang niamgri sima ariko ga·batgiparangko songoni saksa video ra·aha, ua video social media-o gipaha.
GOERA, iani bidingo Meghalaya-ni home minister-na chittiko seaha, jeon social media-o gipanggipa video-ni gimin janapate, ian a·dokna aro a·songni chelchakanina namen kenbegnigipa ong·a ine aganaha.
Indake GOERA, BSF-ko matnangate, sima ario bilakbate nirokchina BSF-ko mol·molaha. CCTV aro surveillance equipment-rangko bilakatchina dabie niamgri napsrukgiprangko champengchina aro watatpilchina aganaha.
Iarangni gisepon GOERA, BSF personnel, jean niamgri napsrukgiparangna dakchakahachim uni kosako ja·ku de·china dabiaha.
