SHG-o fossil-ko cha·ue kataniara rasong gribeani ong·a: Conrad

SHILLONG: South Garo Hills, Siju-Rongara-ni ning·o donggipa fossil-ko cha·ue kataniara ka·dongna man·pilgijani aroba rasong griani ong·a ine Chief Minister Conrad K Sangma Bristibaro aganaha.
“Ian dukni aro rasong grigipa obosta ong·a. Ia biapara A·kingni ning·o ong·ani gimin a·bachengo chingna kam ka·na engtogijanirang ong·aha, ia biaprangko chu·gimik chingni jako ra·srangnade chingna namen neng·ani ong·a maina ia biapara A·kingni ning·o ong·a aro neng·nikanirangna chingna sokgenchim aro a·ako drae ra·sekna jotton ka·a ine Sorkariko matnanggenchim’’ Chief Minister aganaha.
“Unigimin chinga nirokanikosan on·na man·ainaba donga aro geological survey-ko dakna man·kujana kingkingde ua biap-ko mamingdake kal·akkujachina gita songni-nokni manderangko mol·molatna nangnika” ineba Pa Sangma aganaha.
“Ia obostarang ong·gen ine chinga mamingsaloba chanchisojachim indiba ian ong·jok, iani bidingo FIR ka·jok aro sandianikoba dakengaha, unigimin maiba namgnikode man·gen ine ka·dongsona aro da·oba geological survey-kode dakangaikugen, haida bang·bata fossil-rangko nikdapkunaba donga,” ua agandapaha.
Chief Minister indakeba aganaha je “Anga ka·donga, songni-nokni manderang da·ode ia gam-jinrangko nirokna gita Sorkarina pakwatgen aro iano uamang sorkari baksa jak snilpana nanggen,” CM aganaha.
Indake ia South Garo Hills-ni Tolegreo donggipa fossil-rangko cha·uani bidingo minggni FIR-rangko ka·aha.