SHILLONG: Re·baenggipa February 21 tariko ong·atnasienggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-rangna nominationa file ka·ani da·al matchotengaha.
Mongsonggipa political party-rangni candidate-rang baksana indenpendent candidate-rangba meja Sonibarona kingking bang·en nomination file ka·angtokaha.
Ia ge·gni Council-rangna February 21 tariko election-rangko ong·atengon, puongimin vote-rangko February 24 tariko chane parakatanggen.
Gitcham journalist John Wilson Thabah, KHADC poll-o, Sohra constituency-oni Voice of the People Party (VPP) candidate ong·e susanasienga, jean meja Sonibaro nomination file ka·aha.
Independent candidate aro da·oni MDC Lambor Malngiang Nongkrem constituency-oni susaenga. Ua Nongkrem constituency-o VPP candidate aro uamangni president, Ardent Miller Basaiawmoit baksa mikkanggrike susansienga ine Malngiang aganaha.
Indian Constitution-ni Sixth Scheduled-ko bilakatna nangenga, maina Article 371 district council-ni jakgitelaniko onchepenga aro a·dok sorkarina bil bate on·enga ineba ua jajenganiko parakaha.
Batanggimin 2015 bilsio VPP president mingsa resolution-ko ra·baaha, jeon uamangni a·kangani gitade, traditional dilgiparang—Doloi, Syiem, aro Rangbah Shnong dakgiparang namroro-silroroanina kam ka·aniko ja·donggatenga.
Malngiang indakeba aganaha je traditional head aro institution-rang dongjaode jat uamangni ramakon gimaatgen, unigimin traditional institution-rangko bilakdapatna nangenga.
Laban-Mawprem-ni gitcham MDC Ricky Shullai, jean South Shillong MLA, Sanbor Shullai gritang ong·a, ua re·anggipa changni MDC election-o ge 19 vote mangmangchisa srikaha, jean 2019 election-o UDP candidate ong·e susaahachim. Ua ia chango independent candidate ong·e susaskana tarienga ine ua aganaha.
KHADC aro JHADC election-na nomination file ka·ani da·al matchotgen
Date:
Share post:
