TURA: Garo Hills Autonomous District Council (GHADC)-ni ning·o songdong a·chagipa non-tribal-na dingtang electoral roll-ko on·china gita dolsa minority body Sarvadaliya Sammelan-ni dabianiko Turani saksa Social activist, Cherian Momin jegalataha aro aganaha je, ian Constition gita ong·ja aro iako dakgenchimode, Indian Constitution-ni Sixth Scheduled-o Scheduled Tribe-rangko chel·chakna ra·gatgimin niamrangko pe·a ga·akgnok.
Garo Hills-o songdonggipa minority jat-rangni dilgiparangni nangrime Sravadaliya Sammelan-ni bimango Robibaro Nayapara, Mahendraganj-o, separate electoral roll-ni bidingo GHADC Bill-ko tariani bidingo chanchianiko dakani bidingo Momin jegalataha.
“GHADC ian ge·sa general administrative body ong·a, aro ian non-tribal dolrangni namgnina rikgipa sorkariba ong·ja. Ian Constitution-ni gita dingtangmancha songgimin autonomous institution-sa, aroba A·chikrangni namgnina an·tangtangchin kam ka·na rikgipa self-governance-asa. Iano non-tribal-rangni namgnina maiba niamko ra·gatgenchimode ian Scheduled Tribes-ni constitutional sovereignty-ko nosto ka·a ga·akgen, unigimin iako raken jegalna nanga,” Momin aganaha.
GHADC-ni electoral roll-oniko non-tribal-rangko changalanio, uamangni kosako maming mikkang nitee dakani aro constitutional principls-ko pe·ani ong·jaenga; aro ian an·tangtangna dingtangmancha on·gimin rights ba bilko ra·rikasan ong·enga. Niam-ko dakgiparang, Scheduled Tribe-rangna ong·arangko nikesa aro uamangna kenchakaniko nikesa Constitution-o Sixth Scheduled-ko ra·ataha. Da·o non-tribal-rangni iano jakdangdikpana chol am·enganiara, ian Indian Constitution-o Scheduled Tribe-rangna on·gimin bilko chadrapa gita ong·enga, saksa Activist aganaha.
Sixth Scheduled-ni ning·o songdong-a·chaani gimin Tribal jatni an·tangtangchi sason ka·gipa self-governing body-o non-tribal-rang Tribal-rangni representative ong·na bilko man·gen ia ong·ja unbaksana GHADC-ni ning·o ba a·ao songdong-a·chagiparangni giminba constitutional aro customary land tenure laws-o pangchake sandianirangko dakna nanga ineba Cherian Momin aganaha.
Unigimin Sixth Scheduled-na kenchakanirang sokbaenganiko champengsochina gitaba Momin, constitutional authority-rangko, policy tarigiparangko aro judiciary mol·molataha.
Indake “GHADC-ona niamgri napkrokbaenganiko Meghalaya aro Ma·mong sorkari kam ka·sona nanga ong·jaode Indiani pilak Scheduled Area-rangon niamgri dakbadeanirang gapchipgen,” Momin aganaha.
Minority dolni, GHADC-o dingtang electoral roll-na chanchianiko jegala
Date:
Share post:
