TURA: South Garo Hills a·jani Siju Block ning·o donggipa Aruakgre VEC-ni job card holder-rang, an·tangtangni ka·gipa kamrangna hajirarangko man·tokkujaenga ine South Garo Hills a·jani social activist Greneth M Sangma, job card holder-rangni pal, South Garo Hills DRDA-ni Project Director-na badi ka·doangaha.
DRDA-ni Project Director-na badi ka·doangani gitade, Aruakgre VEC-ni job card holder-rang, 2023-24 bilsio sal 68-na kamrangko ka·ahaoba an·tangtangni hajirarangko man·chipkujaengachim.
VEC-ni membor saksa siani a·selsa hajirarangko on·na man·kujaenga ine official-rang u·iataha ineba Sangma, DRDA-ni Project Director-na sedoatgipa chittio parakataha.
Ian Aadhar card-o nangchakegipa neng·nikanisa ong·enga ine janapatengon, ia neng·nikanirangko ta·raken namatchina aro job card holder-rangni man·na nangenggipa hajirarangko on·china Sangma didiataha.
Iani bidingo job card holder-rang, re·anggipa January 31 tariko tom·e chanchirimenba, DRDA-ni Project Director-na badi ka·dona gita tik ka·angaha.