Shillong: KHADC aro JHADC poll-rangna party tikkit on·aniko kraa aro namnikao pangchake party-ni dilgipa ra·chakna nanga ine North Shillong-oni VPP MLA, Adelbert Nongrum dabia gnang aganaha.
“Party-ni dilgipa uamangni gualaniko kema ka·ode ma·sichakna nanga aro chinga namgrikna taria,” Nongrum aganaha.
Ian manderangni political party ong·ani aro mande saksani gam-jin ong·jani gimin ua VPP-ko watjawa ine ua rongtalataha.
Jemangan uo ka·dongaha ua manderangko gelna man·jawa ua party dongja ba VPP chief ong·ja, Ardent Miller Basaiawmoit ka·dongata gnang aganaha.
“Anga maina chadenga uan bil-rengsina ong·a uko ua ma·siaonin party-ni dilgipa angko ra·galna daka,” VPP MLA aganaha.
Uni constituency-o mai ong·a uko janape party-ni dilgipa North Shillong Assembly constituency-o ga·akgipa Mawkhar-Pynthorumkhrah aro Jaiaw KHADC constiteuncy–rango party tikkitna a·bachenggipa unit-ko ra·chakaniko nigopenga, ua aganaha.
Party-ni niam-bidikko ua poraija ine uko matnanganina State Election Committee (SEC)-ni chairman ong·aoni aro party-ni ku·wattimgipas ong·aniko VPP ku·wattimgipa, Batshkem Myrboh-ko ra·galna ba kema bi·na nanga, ua dabiaha.
Party tikkit amgiparangko ra·chakani bilko constituency-o a·bachenggipa unit-oniko district election committee-rangna watatna nanggen, party-ni contituency-o rongtalen janapaha. Bimingrangko ra·chakanina State Election Committee-na watatgen, ua aganaha.
“Aroba local MLA ong·e anga constitieuncy ge·gnioni party tikkit bi·gipa bimingrangko anga ra·chakaha,” ua aganaha.
Ua a·bachenggipa unit baksa Jaiaw constituency-o (Kharjana) uni bimingko ra·chakgenchimoba Mawkhar-Pynthorumkhrah-oni Strong Pillar Kharjana-na party tikitko on·a party chanchiaha, ua aganaha.
Party constitution-o donggipa niamni kosako re·badegipa primary unit-ni ra·chakaniko maikai SEC nibadeaha, VPP North Shillong MLA aganaha.
“Primary unit-oni party tikitna dorkasto on·gijagipa Denzel Chen-na Jaiaw-o susana party tikit on·aha aiao inmanpilaha. Local MLA aro primary unit-ni memborrangni aganako amchenggija tikitko on·a maikai party-ni dilgipa chanchiaha,” Nongrum aganaha.
