SHILLONG: MDC election matchotangani ja·man da·o badia party chegen iani gimin so·sojengjeng ong·skaenga. BJP adita bilsirangni ja·man MDC poll-o bak ra·taiaha indake Sombar salo election-ni result-ko parakatgen.
Bharatiya Janata Party-ni state General Secretary Wankitbok Pohshna, election-o BJP R Bhoi aro South West Khasi Hills, Jaintia Hills-o bang·gija seat-rangko man·aba donga ine aganaha.
MDC election matchotani ja·man da·ode gimikan an·tangtangan chegenma chejawa iako hisap ka·tokenga.
Indake ong·engon MDA sorkario BJP-ni cabinet berth-ko AL Hek aro Sanbor Shullai-ni gisepo sualgrikgenma ine sing·anina party dilgipa, mamingkon aganchakjaha.
Seat sualgrikani gimin sing·aninaba Pohshna, mamingko agana jechakaha. Chong·motko somoio sokaon u·ina man·gen ine aganaha. Minggipin East Jaintia Hills District-ni Wapung Skur aro Bataw songo changsatai jolni manderangna vote puona cholko on·taiaha.
Ia songni polling station-rango dongipa EVM (Electronic Voting Machine) aro document-rangko nirok-simsakaniko tik ong·gijani dongani a·sel vote puontaina cholko on·aha. Sukrobar salo voting-ni salo EVM tik ong·gijako rim·a man·aha.
Uni gimin Sonibaro changsatai pring 7 bajioni ia polling station-rango chelchakgipa dolrangni nirokanio vote puonaha.
