SHILLONG: Meghalaya-ni tourism industry online gita booking scam-rangoniko bang·a ka·mikenatanirangko chagrongenga, bialakgipa security awareness-na nangako parakenga. Cyber Crime Police Madhya Pradesh-oni bilsi 25 ong·gipa Lalit Khare-ko tol·gipa hotel booking ka·aniko chalaineganina rim·aha, bang·a Meghalaya-ona songrebagiparangko man·chape songregiparangko cha·bokaha.
Khare, tol·gipa hotel website-rangko mingsinggipa tourist biaprang jekai Goa, Odisha aro Meghalaya-ko mesoke taria. Ua hotel staff dake online-o donataha, hotel donggijagipana booking-rangko ka·na tangkarangko watatchina customer-rangko mol·molaha. Bang·a tourist-rang uamangni tol·gipa reservation ka·atgipa hotel-ko Shillongo sokbae sandio nikjaha uamangko jachange dongataniko man·ani ja·man cha·bokaniko ma·siangna man·aha.
Indake dakgipa cha·bokanirang Meghalaya a·doko ramram gita ong·engaha, bang·a songrebagiparang ja·gao ga·aktokengaha. Tol·gipa website-rango a·sol hotel-rangoni noksarangko cha·bokgiparang jakkala, aro uamang an·tangni phone number-rangko on·chapronga. Nitogipa dringrango damrangko komiate mikbokatan baksa tourist-rangko uamang ch·bokenga, jensalo songregiaprang miksonggipa biapona sokbagen unosan booking ka·gijaniko ma·sianga.
Bang·a mamlarangkon segatja indiba a·doko hotel ge·antion indakgipa ong·enga, ian niatgenchimode neng·nikanirangko ra·bagipa ong·enga. Cha·bokgiparang tangka paisa gamanio digital app-rangko jakkala, tangka gamakode mesoka indiba booking ka·gipa hotel-ona tangkarang sokangja. Ia app-rangko altuen manaia aro cha·bokgiparangko rim·na ian rakatgipa kam ong·a.
