SHILLONG: Jaintia Hills Autonomous District Council (JHADC) election-o National People’s Party (NPP), dam 13 seat-rangko cheani ja·man, United Democratic Party (UDP)-ni MDC sakgittam aro Independent candidate sakgni baksa gital Executive Committee (EC)-ko chalaina tik ka·angaha.
JHADC-ko Chief Executive Membor (CEM) ong·e dilna gita NPP-ni MDC Thombor Shiwat-ko seokangskaaha.
JHADC election-o NPP, dam 13 seat-rangko cheahani gimin gital EC-ko chalaina gita UDP-ni MDC sakgittam aro Independent candidate sakgni, chong·motan Violet Lyngdoh aro Moonlight Pariat-ko ra·e gimik sak 18 gapaha.
JHADC-o sak 29 MDC-rangko seokaha aro saksakode ja·mano nominate ka·anggen.
JHADC-ni result-rangko parakatani ja·man Sombar walo NPP-ni dilgiparang, apsan bakrimenggipa dolrang aro membor-rang baksa tom·aniko ong·atangenba, NPP MDC Thombor Shiwat-kon JHADC-ni CEM ong·e re·dilangkuchina seoke donangaha.
UDP-ni MDC Lasky Rymbai-koba JHADC-ni Deputy CEM ong·e dilangkuchina seoke donangaha.
Ia tom·anio JHADC-ni Executive Membor-rangkoba seokangaha aro ia membor-rangko bakan u·iatgen.
