Baghmara: NALSA Schemes aro sorkarini Welfare Scheme-rangni gimin u·iatna gita Meghalaya State Legal Services Authority aro High Court Legal Service Committee, Shillong, sorkarini dingtang dingtanga department-rang baksa bakrime South Garo Hills Baghmara-o Sonibar salo mega camp cum awareness programme-ko ong·ataha.
‘Back to School’ ingipa theme-ko done programko ong·ataon sorkari department-rangoni bang·an aro District-ni dingtang dingtang bakrangoni manderang bang·en bakko ra·angtokaha.
Meghalaya High Court-ni Justice aro MSLSA-ni Executive Chairman H.S Thangkhiew, chief guest ong·e aro High Court-ni Judge aro High Court Legal Services Committee-ni chairman Justice W. Diengdoh- guest of honour ong·e bakko ra·angaha.
Tom·anio aganprakataon Justice Thangkhiew, iandakgipa camp ba program-rangko a·dokni dingtang dingtang bakrango ong·atani gamchataniko aganangaha. Aro iandakgipa programko ong·atani miksonganira sorkarini dingtang dingtang on·gipa service-rangni gimin manderangna u·iatna ong·a. Maina bang·a manderangan sorkarini parakatgipa scheme-rangni gimin u·itokja aro scheme-ni namgnirangko ra·na ja·manchaka. Indake camp-o bak ra·giparangko sorkarini on·gipa service-ni gimin u·ie ra·china aro namgniko ra·china aganaha.
Indake ong·engon programo be·enni gita bilgrigipa manderangna assistive device ba dakchakgipa bosturangko on·aha, Self Help Groups aro Village Organisations-na National Rural Livelihood Mission-ni gita cheque-ko suale on·angaha.
Camp-o sorkarini ge 40 department aro agency-rang bakko ra·aha. Aadhar, MHIS enrollment, Legal Aid Services aro medical stall-rangko donaha. Jeon specialist doctor-rang asongpae free medical checkup-ko ong·ataha. Unbaksana SHG dolni tarigipa bosturangko mega camp-o mesokangaha.
‘Back to School’ ingipa theme-ko done programko ong·ataon sorkari department-rangoni bang·an aro District-ni dingtang dingtang bakrangoni manderang bang·en bakko ra·angtokaha.
Meghalaya High Court-ni Justice aro MSLSA-ni Executive Chairman H.S Thangkhiew, chief guest ong·e aro High Court-ni Judge aro High Court Legal Services Committee-ni chairman Justice W. Diengdoh- guest of honour ong·e bakko ra·angaha.
Tom·anio aganprakataon Justice Thangkhiew, iandakgipa camp ba program-rangko a·dokni dingtang dingtang bakrango ong·atani gamchataniko aganangaha. Aro iandakgipa programko ong·atani miksonganira sorkarini dingtang dingtang on·gipa service-rangni gimin manderangna u·iatna ong·a. Maina bang·a manderangan sorkarini parakatgipa scheme-rangni gimin u·itokja aro scheme-ni namgnirangko ra·na ja·manchaka. Indake camp-o bak ra·giparangko sorkarini on·gipa service-ni gimin u·ie ra·china aro namgniko ra·china aganaha.
Indake ong·engon programo be·enni gita bilgrigipa manderangna assistive device ba dakchakgipa bosturangko on·aha, Self Help Groups aro Village Organisations-na National Rural Livelihood Mission-ni gita cheque-ko suale on·angaha.
Camp-o sorkarini ge 40 department aro agency-rang bakko ra·aha. Aadhar, MHIS enrollment, Legal Aid Services aro medical stall-rangko donaha. Jeon specialist doctor-rang asongpae free medical checkup-ko ong·ataha. Unbaksana SHG dolni tarigipa bosturangko mega camp-o mesokangaha.
