SHILLONG: NPP-chi dilenggipa MDA sorkari baksa uamangni bakrimanichi UDP-ni political obostako bilgrienga ine gimikan chanchienga, ine Cabinet Minister aro UDP dilgipa Paul Lyngdoh aganaha.
Khasi-Jaintia a·jolrangni bang·a mongsonggipa bakrangon manderangni gisepo UDP-ni bakrimggipa National People’s Party (NPP)-ko ‘‘Garo Party’’ ine ra·anichi bilgriaha ine ua aganaha.
Garo party ine ra·e ia bakrimanichi chinga bilgrienga ine agangipa kattako warachake ua, ‘‘Na·simang niatode indake nikna gita man·gen, MDA 1-o jensalo NPP baksa bakrima uno UDP sak dok MLA-rangko man·aha. Jensalo chinga poll-rangona re·angpilon sak 12-ona dunagni man·aha. NPP baksa chingni bakrimani ong·genchimoba chingni seat-rangko man·ani tang·doaia.”
Voice of the Peple Party (VPP)-ni tang·doanio jeon namroroangna adita gitalgipa cholko nikna gita man·enga ine manderangni chanchiani giminba Lyngdoh uni aganao, “Manderang VPP-ko sala gital ine ine ra·e mikkangchi nambatrorogen, amgopgen ine ka·dongenga indiba na·simang MP election-rangko niatna gita man·gen aro ADC election-rang baksa uamangko tosusana man·gen MP election-rango Khasi-Jaintia a·jolo ge 36 Assemnbly segment-rangoni ge 34-o VPP-ni napako na·simang sandie nina gita man·gen. Maibakai da·alo bilsisani ja·mano UDP KHADC-o ge·bonga aro JHADC-o ge·gittam gimik ge chet MDC-rangko man·aiaha,” ua agan-talataha.
Uni an·tangni constituency-tangko janape, political-ni obosta dingtangaha ine Lyngdoh aganaha. “Re·anggipa changni election-rango chinga gittamgipa ong·aha, hajalsamangsan vote-rangko man·aiaha. Da·alo ADC election-rangni ja·mano West Shillong constituency segment-o VPP-ni UDP-ni kosako amani 600-na bata vote-rangchisan ame gnigipa ong·enga,” ua aganaha.
“Tang·ona ba tang·doa ine na·simang aganoba obosta gimik na·simangosa pangchaka indiba ia obsota ong·anirangna UDP-ni gadangko raken warachakenga,” Lyngdoh aganchotaha.
