SHILLONG: Assembly-o, Winter Capital Motion-ni somoio Tura-ko winter capital songchina dabigipani bidingo nipilaniko dakna gita resolution-ko ra·china gita a·dok sorkariko didiani pal Garo Hills-ni bang·bata MLA-rangan jesa-jegaltokani gimin A’chik Conscious Holistically Integrated Krima (ACHIK), Garo Hills MLA-rangni kosako matnangaha.
Garo Hills-ni MLA-rangna kratcha·na u·igijanina aroba daito ra·gijanina A’chik Conscious Holistically Integrated Krima (ACHIK) bilaken matnangataha, jemangan Garo Hills-ni manderangni seoke watatako man·pileba, jattang-mandetangrangni dabianikon jegale cha·boke cha·aha. Ian political-ni bilgrianisan ong·aija indiba Garo Hills-ni manderangni nangnikani aro bilko chonnika ga·akaha” ine organisaiton matnangaha
Assembly-o, Garo Hills-ni manderangni palo chadengani pal aro Garo Hills-ni manderangna apsan bak-rengsi aro kakketko ra·bana chadengani pal batesa Garo Hills-ni manderangko ga·pakgalenba an·tangtangni political-ni man·gninsa mikpakma nitokaha ine ACHIK matnangataha.
Constituency-tangtangni manderangni bil aro nangnikanina dakgrikchakani pal, political-ni gita sinjetanirangnasa an·tangtangko bame on·aha, uasan ong·ja Meghalaya-o Garo Hills-ko gnigipa dake ra·enggipa dol baksasa bakrimaha ineba aganaha.
Jattang-a·songtangko cha·bokaniko uamang mamingdakeba gualjawa aro je MLA-rangan Turako winter capital songchina dabigipani bidingo chanchimitingo jegalani kattarangko aganachim, uamang sakprakprakni bimingrangkon manderangna de·e-minge mesokgen aro uamang ia winter capitalna dabianiko maina jegalachim talate on·na nanggen, ACHIK krengataha.
Tura-ko winter capital songchina gita kingkot dabiangkugen ineba parakaha.
Meghalaya-o sason ka·aniko ra·ronaniko nirokatchina gita chinga Governor, Indiani President aro gipin constitutional body-rango mol·molgen ineba ACHIK aganaha.
Winter Capital-na chanchiani GH-ni MLA-rangni chakpajani gimin ACHK ding·chaoa
Date:
Share post:
