Sakal A·duma Eco-Resort project-ko galchipani gimin am·sandina dabia

Tura: Sakal A·duma Eco-Resort project-ko matchotgija dongchipengani gimin A’chik Holistic Awakening Movement (AHAM), sorkariko sing·doaha.
Bilsi 2021 December jani 14 tariko Chief Minister Conrad K Sangma, NPP-ni minister-rang- Thomas Sangma aro Marcuise Marak- uamangni dongpaanio ia project-na pangchakaniko songe on·ahachim, ua project-ko da·onaba matchotkujaengani gimin manderang badi ka·toka ine CSO aganaha.
“Ua somoio ia project-ko Nokrek Biosphere Reserve-ni natural heritage-ko ripingna miksonge eco-friendly tourism-ko a·bachengna miksongni gimin de·mittelahachim indiba bilsi gittam somoi re·angjok da·onaba ku·chakgiminko chu·sokatkujaenga, uni gimin sorkariko aganchakna AHAM dabiaha.
Ia project-ni gimin parakatmitingode ian state-of-the-art facility ong·e, bang·en kamrangko bikotgen aro Nokrek Biosphere Reserve-ni natural heritage-ko ripinggen ine ka·dongatahachim jekon chu·sokatjaenga.
“Project-na public fund ba jinmani tangkako jakkalani gimin Meghalaya a·dokni manderang, project-ko name dake ra·gate kam ka·aniko ka·donga, indiba ia project-ko galchipe donenga aro kamrang namen ka·sinenga.”
Indake AHAM, ia project-ni kamrang maini gimin ru·utenga  aro project-na tangka chamgipako maidakaha, iani gimin sing·doaha.
“Sorkari, ia project-na badita tangka-paisarangko jakkalaha, aro maini gimin project-ko matchotna man·jaenga iako sing·aha.
Indake ia mamlao sorkariko nirokatchina ge·ete, CSO, status report-ko bi·ataha.
“Sakal A·duma Eco-Resort project-ni public report-ko on·china sorkariko ge·etan baksa project-ni tangkarangko maidake aro bano jakkahala, iako am·sandina ge·etaha. Project-ni kamo tik ong·gijanirangko rim·a man·ode dos dakgiparangni kosako ja·ku de·na aganaha.