SHILLONG: A·doko niamgri koela bikotani mamlako sandigipa committee-ni dilgipa (kamoni neng·takgipa) Justice BP Katakey-ko ra·galna miksonga ba chanchia ine kobor jangani bidingo sorkari mamingkon agankuja.
Justice Katakey-ko sorkari ra·galna miksonga ingipa kattako political party aro NGO-rang ding·chauataha.
Indake ong·engon sorkariniko kobor man·ani gitade, da·odipet sorkari, Katakey-ko ra·galna court-o mol·molaniko on·na dongja aro Meghalaya High Court-o iani bidingo mol·molaniko on·jawa.
Minggipin, iandakgipa chanchiani ba agangrikani nakataha indiba Justice Katakey-ko Meghalaya High Court-sa seokaha, uni gimin iani bidingo court-san raiko ra·na man·gen ine ra·chakaha.
Committee-rang permanent ba dongkamgipa ong·ja. Committee-ko je miksonganina songaha, ua committee, on·gimin kamko nirokna nanga aro miksongako chu·sokatna nanga.
Uandake Committee, koelarangko nilami ka·na aro niamgri koela bikotaniko aro salruraniko dongtongchina agan-ku·pattiaha.
“Sorkari, je ge·etanirangko man·ahachim, uarang gimikkon ja·rikna jotton ka·aha.
VPP aro BJP, unbaksana Garo Hills-oni mitam dolrang Justice Katakey-ko ra·galna chanchiako raken jegalaha. Indiba sorkari, iani bidingo mamingkon agana dongkuja.
