SHILLONG: Meghalaya Legislative Assembly-ni budget session anti changgni tom·aniko mejamangmang matchotatgipa skangna bate ia chango nambatgipa dake Leader of the Opposition, Mukul Sangma, talatangaha. Mongsonggiparangni bidingo agangrikaniko dakna man·a structure-ko tarie dilako agan-talatangaha.
Grant-rangna dabigipana agangrikna on·kanggipa somoiorangko on·a Business Advisory Committee (BAC) ra·chimongaha aro bil gnange chanchiaha, ine budget session-ni nambatani bidingo sing·sandianiko dakanina Sangma aganaha.
Jensalo ia dabiannirangko dakani salo gipin badingchiwalani gimin agana on·jaha, ua gitan re·angaha, uni parakatani gitade, gisiko aro ning·tue aganangaha, ine ua jaksi ote mesokangaha.
“Ia budget session-o item gimiko maidake bak daka an·ching niatode skangna bate ia chango bang·bate nambataniko nika. Grant-rangna jensalo dabiani salo gipin badingchiwalanirangko agana dongjaha. BAC-ni chanchianiko niangna aro an·chingni scrutiny-na ba name dake nina bang·a somoirangko on·a,” ine ua aganaha.
Dingtang dingtang item-rang jekai grant-rangna aro private member-rangna dabigipa motion, tanggitik mongsonggipa budgetary agangrikaoniko dingtang bakona ra·angskaha, ine Sangma talataha.
Somoi gita tangka paisa chamgiparangko name dake nianganio gisiko nangangkugen ine Opposition dilgipa agandapangaha.
Kamrang namdapaniko namnike, grant-rangna dabianirangko name dake nina bang·a somoirangko on·dapna nangnikaniko Opposition dilgipa agan-talangaha.
“Scrutiny-na dabianiko dona chinga bang·a somoirangko man·dapa ong·ode chinga kusi ong·bategen. Mikkang chango chinga jotton ka·gen, pilak dabianirangko name dake nina komibeoba chingo sal 3 ba sal 4-ko man·a nanga,” ine ua aganaha.
Manderangni nangnikanina aganchakna House-o mamlarangko sing·anganio name simsake seokgipana agananggipa, gisiko nange bak ra·gipa member-rangko Sangma kan·dike talatangaha. Gimik dakgipa item-rangna agangrikna somoirang chu·ongjani a·sel man·ajaha, maming brinana bate mamlako talatanian gamchatgipa ong·a ine ua gisiko nangbate aganaha.
“Opposition dol an·tangni bakko name dakaha jeon mongsonggipa bakrangko sing·angaha aro budget an·chingna ka·donganiko on·aha aro anga an·tangani chanchiani gitade, iako kakketgipa ramao kamaia ong·ode ian bang·a man·gnirang ong·na nanga,” ine Opposition TMC State Chief, Charles Pyngrope aganaha.
“Iarangna man·angna an·ching minit detail-ona re·angna nangkugen aro iako jarikengama nina nanggen. Kam ka·aniko nipiltaianiko dakanian namgipa ong·a indiba iako chu·sokatna bil amani donga aro chol donga,” ine ua agandapangaha.
“Nikjoke ba ronggrike kam ka·anga sakantina nama, budget-ko jeon billion 10 dollar ba tangka kror 85,000-ni GSPDP-na jotton ka·anio chu·sokangna an·ching bakrogipa ramako re·angna nangkugen,” ine ua aganaha.
