AMPATI: Banggriani aro a·a ruronganirangona tarisamsona gita State Level Mock Exercise-ko Bristibar salo ong·atengani gimin Mongolbar salo dingtangmancha State Level Table Top Exercise-ko a·dok gimikon ong·atangaha aro ia Table Top Exercise-o Garo Hills gimikan bak ra·angtokaha.
Ia Table Top Exercise-ko Meghalaya State Disaster Management Authority (MSDMA) aro Meghalaya sorkarini Revenue & Disaster Management Department, National Disaster Management Authority (NDMA) aro India sorkarini Home Affairs Ministry baksa nangrime ong·atangaha aro ia Table Top Exercise-o South West Garo Hills a·jani dingtang dingtang official-rangba, Ampati-ni Deputy Commissioner (DC) Office Conference Hall-o bak ra·angtokaha.
Bristibar salo ong·atenggipa Mock Exercise-ko banggriani somoirango dakna nanggnirangko mesokna gita ong·atenga aro Table Top Exercise-o a·dokni official-rang, banggriani somoirango dakna nanggnirangko internet gita agan-talatanirangko on·angskaaha.
South West Garo Hills a·jao Mock Exercise-na dingtang dingtang biaprangko donsomanaha aro ia biaprangara, DC office, Mini Secretariat (New Building), Ampati Government Higher Secondary School, Chengkompara song, Ampati Farmer’s Market, Ampati Civil Hospital, Zikzak C&RD Block office, Betasing Petrol Pump aro Rerapara Block-ni ning·o donggipa Dorambok dolong ong·enga.
Una agreba South West Garo Hills a·jao Incident Command Post-na Ampati DC Office, Staging Area-na Ampati Mini Stadium, Base Camp-na BADO MFC, Medical Aid Post-na Ampati Civil Hospital, Garobadha PHC, Zikzak PHC, Relief Camp-na Chengkompara MFC aro Helipad-na Ampati Mini Stadium-o donsoaha.
