SHILLONG: Bangladesh a·song baksa Meghalaya-ni sima ari jolo matchu badingsrukanio am·sandiani kamko watgalja batesa niam gri badingsrukgiparangko rim·na chel·chakgipa dolni gita jotton ka·enga.
Bangladesh a·song baksa India km 4,096 sima ariko suale donganio Meghalaya a·dok km 443-ko suale dongenga. Niamgri badingsrukatenganina Border Security Force (BSF) dos dakgipa manderangko rim·enga indiba badingsrukgiparang sriksrik kamrangko ka·angkuaia.
Ia mamlarangni bidingo a·dok sorkari namen ma·sia aro indakgipa kamrangko champengna police aro BSF baksa apsan nangrime kamrangko ka·enga ine Animal Husbandry and Veterinary Minister Alexander Laloo Hek aganaha.
“Indakgipa jotton ka·enganiko rim·na police aro BSF apsan bakrimenga,” ine Hek aganaha.
Tangka paisarangna manderangni matchurangko badingsrukatanina sing·on ua aganaha, sorkari ja·dil ja·pangoni kam ka·angna chanchienga, ia mamlarango neng·nikaniko man·enggiparangko namatna uamangni bakrimaniko nangnikenga ro sima ario dongenggipa community-rang baksa bilakgipa bakrimaniko dakanggen.
Man·gipa matchurangko maidake nirokenga ine sing·anina Hek aganangaha, man·gipa matchurangko gaushala-rango aro jatni dakebwalo jila ka·anirango jilenga aro nirok simsakenga, naimni gita kamrangko matchotkujana kingking rakkie dona. Ja·mano matchurangko palna ba jilgipa nokrangona watataha.
Border Outpost (BOPs)-rango name observation post-rang aro chel·chakgipa dolko bang·dapatanichi aro checkpoint-rangko donanganichi aro sima arirango patrolling dondipgija re·anichi bilsiantian BSF dol neng·takpilgija kam ka·enga.
Indakgipa nirok simsakani kamrangko ka·genchimoba ra·bianirang, name nirok simsakangkuna, chel·chakgipako bilakdapatna aro security force aro joltangni manderangni gisepgriko ning·tugipa bakrimaniko nangkuenga.
Upper Hillong-o veterinary hospital-ko rikna MDA sorkarini mingsa dakna mikkang donggipa ong·a, ine Hek aganaha.
Mejamangmang a·dok assembly-ni budget session tom·ao ua janapangaha. Uni parakatani gitade, a·dok sorkarina rongtalen talataha, ian ramramgipa veterinary hospital ong·jawa indiba ge·sa niksenggipa veterinary hospital ong·gen.
Upper Shillong-o tangka kror 32-chi veterinary hospital-ko rikanggen, ia chol on·enggipao matburingrang gimik dakgipa sana bananirangko dakna man·gen, ine Hek aganaha.
Project-ko PM-DEVine scheme-ni ning·o rikanggen, State Level Empowered Committee-ni gita rongtalen parakataha. Songjinmani a·palo 7 mile-o Veterinary depatment-ni a·atang donganichi a·anade maming neng·nikani dongja.
B’desh sima ario niamgri badingsrukaniko champengna dontonggija kam ka·enga
Date:
Share post:
