SHILLONG: Bisi ong·gipa cha·aniko chae saa man·giparang gimik sak 22 student-rang Mandhya Karnataka-ni hospital-oni ong·kataha, ian namgipa kobor ong·a.
Chief Minister Conrad Sangma, social media-o student-rangni saa nampile hospital-oni ong·katani koborko on·aha. Indake Karnataka sorkari aro district administration-ko uamangni dakchakanina mittelataha.
Meghalaya-oni sak 22 poraigipa bi·sarang Karnataka-o food poisoning ba cha·anio bisi ong·e saa man·toka aro sakgni me·a bi·sarang siani mamlao sakdok mande-rangko rim·aha ine a·dok sorkari parakaha. Indake sianggipa sakgni bi·sa-rangni nokdangna lak 3 prak tangkako on·china Deputy Commissioner-ko ge·etaha.
Meghalaya-ni Commissioner and Secretary of Home, Cyril Diengdoh, jean sorkarini ge·etanio Mandya-ona re·angaha, uan ia koborko on·aha.
“Bisa ong·gipa cha·a-niko cha·e saa man·gipa bi·sarangni koborko man·e anga Mandya-ona nirokna gita re·angaha. Saa man·gipa student-rangko Mandya Institute of Medical Sciences-o sanaha.
Meghalaya sorkari, duko ga·akgipa nokdangna dakchakna ja·ku de·anio Deputy Commissioner-ko sianggipa sakgni bi·sa-rangni nokdangna lak 3 prak tangkako on·china ge·etaha.
K’taka-o bisi ong·gipa cha·aniko cha·e saa man·gipa student-rang an·sengpiljok
Date:
Share post:
