World Water Day-ko maniani bak gita katsusaaniko ong·ata

Tura: Sukrobar pringo World Water Day 2025-ko maniani bak gita ia bilsio ‘Glacier Preservation’ ine pangchakaniko done  km 10 -ni marathon-ko Public Health Engineering Department, West Garo Hill ong·atangaha. Ia katsusaanio gimik 300 bak ra·angaha aro iano bilsini kri gadang dake sualanga. Iako ong·atani miksonganian mikangchi chiring chibisikrangko tange rakkina aro bilsini bilsina ding·ani batbaroroaniko champengna gisik seng·e kam ka·na miksonge ong·atangaha.
Ia katsusaniko Matchakolgre LP School-ni kal·chakram biaponi a·bachenge New Tura, Bokmagre-ko napake Ballongre kal·chakram biapo matchotataha. Indake iano me·chik aro me·asana dingtang categories dake suala iano bak ra·giparangoni bilsi dal·batsranggipa bilsi 64 mangni gita ong·gipa bak ra·angaha aro bilsi chonbatsranggipara bilsi 12 ong·gipa bak ra·angskaaha. Ia katsusaanio chegiparangna skanggipana 7000 gnigipana 5000 aro gitamgipana 3000 tangkarangko boksis dake on·angaha aro bilsi brebatgipa aro komibatgipanaba matchote katgipana 1000 ko boksis on·angskaaha. Indake katsusaanio chegiparangna World Water Day-ko Gambegre block-ning·o donggipa Bolwariegre (Darichikgre)-o ong·atani somaio on·angskaaha.