SHILLONG: Tura-ni MP Saleng Sangma, Cabinet Committee of Economics Affairs-ni chairman aro memborrangko, Tura constituency-ona silroro namroroaniko ra·bachina see mol·molataha. Modern skill development Centre-rang-ko jean game ge·e man·anio man·anirangchi tariani aro kildingni bara-rangko tarianiko consti-tuency-ona ra·bana nanga, aro ge-2 medical college, jeon bilsiprako sak 600 chatro-chatrirang poraina man·gen, ukoba ra·bachina nanga, ine agandapaha.
Milk mission-ko jila-ala aro animal husbandary-ko ra·bani bidingo Ministry of New and Renewable Ener-gy-ni ning·o solar park-rangko tarina nanga, je-dakode silroroaniko ra·ba-na, Cabi-net Committee-o tourism-ko silroroatna airport infrastructure-ko ra·bana ua sing·ataha.
U·iattimgipaoni
SHILLONG: A·dokni Power Minister AT Mon-dol, a·dokni hydro power-ko nanganikri jakkalchina rang·gitik ge·etaha, maina river project-ko maming korosgri jakalani ong·enga.
“Chinga gimiknan kulie on·a. Uni gimin angni chanchiani gita chinga hydro power-ko nangani gitasan on·aina nanga, maina river project-ko indin bijoligri jakalna man·aha aro ukoba gong-sakoba koros ka·gijan man·aha,” ine Mondol aganaha.
Da·omiting project-ko jako ra·e kam ka·gipa department-na u·iatanio, ua indine agana, “da·omiting somoio chinga ge·sa pro-ject-o kam ka·enga jean 3 mega watt-ko, 6 mega watt-ona tang·doatani ong·eng-a aro uko chinga chu·sok-atna man·gen, maina chinga DPR-ko Rourkela-chi watatman·aha aro uamang project-ko matchotatna man·aigen, ine u·iataha.”
Ua indineba agana, MEPGCL dingtang ding-tang agency-rangoniko power station-ko ra·bachi-na sudna tangkarangko ra·aha, aro indakmiting somoirango department sudna tangka ra·dapgenma? ma gipin sud grigipa jekai A·dok Sorkari ba Ma·mong Sorkarioniko ra·genma, jemangan zero interest ong·gen, jean da·o-miting somoio chanchina nanganirang ong·enga.
Ma·mongni gita tangka-chi dakchakani scheme jean mega watt ge·prako tangka kror 7 chamani donga, uni gimin chanchi-ate, Power Minister agan-dapa, indakgipa scheme-rangko da·o dontongataha, indiba NE A·dokoni gipin power minister-rang baksa melie Ministry of Power-na obostani gimin u·iataha, aro uamang iani bidingo chanchianiko dakenga.
“Ua chu·sokna man·-genchimode, an·chingna bijolni gita bang·bea dakchakani ong·genchim,” ine ua agandapaha.