BAGHMARA: Bristibar salo, South Garo Hills a·jani Chokpot C&RD Block-o skanggipa changna Gram Sabha aro Convergence Camp-ko ong·atangaha aro ia program-ona bang·bea manderang re·bae bak ra·angtokaha.
Dingtang dingtang sorkari department-rangni ra·gatgipa kamrangni bidingo manderangna agan-talate on·na gita ia Gram Sabha-ko ong·atangaha aro ia program-ko ong·atanio songni manderang, dingtang dingtang scheme-rangni bidingo ma·sie ra·na cholko man·aha.
Ia program-ko ong·atanio, Chokpot C&RD Block-ni TR Marak, NSAP aro Relief Measures-ni bidingo agan-talatanirangko on·angaha aro Inden Sangma, PMAY-G scheme-ni bidingo agan-talatanirangko on·angskaaha.
MGNREGA, NRLM aro VPRP-ni bidingo Gnira Sangma aro Mansram Marak, agan-talate on·angskaaha.
Ia Gram Sabha aro Convergence Camp-ko ong·atani bak gita dingtang dingtang department-rang, jekai Medical, ICDS, Social Welfare, Election, Police, Education aro uandakgipa department-rang, dingtangmancha stall-rangko done, manderangna u·iatna nanganirangko u·iataha.
