School-rango fee bang·e ra·aniko sorkari sandigen

SHILLONG: Educational institution-rangni fee structure bilongengani gimin a·dok sorkari jajrenganiko janapate, dam agre dugapile fee ra·gipa institution-rangna talataniko on·china notice-ko on·na tik ka·aha.
”Maini gimin fee-ko agrepile dam rake ra·enga iako u·ina uamangna notice-ko sokatgen. Gimik school-rangona mongsongbate sorkarini dakchakgipa school-rangni fee maina indakpile dam rakenga iako sandina ta·raken lekka seatgen, ine Education Minister Rakkam A Sangma, aganaha.
A·doko sorkarini dakchakgipa bang·en school-rang donga, uni gimin anga saksa Minister ong·e, seng·gipa student-rang jemangan school-rango fee bang·ani a·sel tangka paisa chu·ongjani gimin neng·nikarangko chagronggiparang donga, uamangna dakchakna gita educational institution-ko mol·mola.”
Uandake meja Sonibar salo parakatgipa SSLC porikkani result-ko janapate, Minister indine agankuaha, “Result-ko nikaha, 87.10 percent pass percentage-ko man·aha, da·ode sak 30,000 student-rang admission ra·na susataignok. Uni gimin je school-rangan higher secondary school-rangko a·bachengna sika, uamangna chinga NOC-ko on·gen, u baksana sorkarini secondary school-rangko higher secondary-ona ra·dogen.”
“Pass ong·gipa student-rangna admission ra·anio dakchakna gita chinga higher secondary school-rangko bariatgen.
Ia changni SSLC porikkako rural urban, semi urban-oni gimikan name pass ka·aha, uamang gimiknan apsan dakgipa cholrangko on·na nangnge ine Minister agandapaha.
Minggpin sorkari, school-rangna uamangni performance-o pangchake grade-ko on·na kam ka·enga.