WILLIAMNAGAR: East Garo Hills a·jani Williamnagar-o donggipa Lower Baiza jolrango niam gri ita so·ani karkanarangko chalaienga aro koelarangko bikotenga ine United A·chik Socio Economic Justice Forum (UASEJF) parakatenba, ia ita so·ani karkana aro niam gri koela bikotaniko ta·raken dontongchina dabiangaha.
UASEJF-ni parakatani gitade, ia jolrango niam gri ita so·ani karkanarangko chalaiengani gimin aro koelarangko bikotengani gimin uamang, Principal Chief Conservator of Forest (PCCF) aro Range Forest Officer-naba seachi badi ka·doangahachim indiba da·alonan ia biapo niam gri ita so·ani karkana chalaianiko aro niam gri koela bikotaniko champengna ja·ku de·anirangko nikna man·kujaengachim.
“Ia biapo niam gri ita so·ani karkanako chalaiengani a·sel samba jolrango songdongenggipa manderangna nangchakeaniko ra·baenga aro ia ita so·ani karkanako chalaina Baiza Abagre-oniko niam gri koelarangko bikote ra·baengani a·sel ian balwa aro samba jolo donggipa chiring chibisikrangna nangchakeaniko ra·baenga. Ia karkanako chalaienggipa mande, nangchongmota lekka ba licence grisa chalaiengani gimin ian Forest (Conservation) Act, 1980 aro Air (Prevention and Control of Pollution) Act, 1981-ko pe·aniba ong·enga,” ine UASEJF parakataha.
Ia biapo niam gri ita so·ani karkana chalaianiko aro koela bikotaniko champengatchina Forest department-ko didiatengon, iani bidingo maming ja·kurangko de·jagenchimode mikkangchi uamang rakbate jingjengatanirangko dakanggen aro Meghalaya High Court-o badi ka·doanggen ine UASEJF mikrakataniko on·angaha.
 |
ReplyForward
|
