TURA: Ia bilsini Secondary School Leaving Certificate (SSLC) porikkao pass ka·anggipa chatro chatrirangna admission-ko on·na man·na gita pilak skulrangon dingtang dingtang cholrangko ra·gatchina a·dokni Education Minister Rakkam A Sangma didiangaha.
Bristibar salo, a·dokni Education Minister, Tura-o donggipa dingtang dingtang higher secondary skulni principal-rang baksa tom·aniko ong·atangaha aro ia tom·anio skulni principal-rang baksa chanchirimengon, SSLC porikkako pass ka·gipa chatro chatrirangna class XI-o admission-ko on·na man·na gita dingtang dingtang cholrangko ra·gatchina ku·pattianiko on·angaha.
Tura-ni higher secondary skulrango class XI-na admission on·aniko nipilangengon, ia bilsiode batanggimin bilsirangona bate an·tangtangni skulrango chatro chatrirangko ra·china gita Education Minister, higher secondary skulni principal-rangko didiangaha.
Pilak higher secondary skulrangon dingtang dingtang stream-rangko a·bachengatchina gitaba Education Minister didiangaha.
Admission-ko ra·anio chatro chatrirang tikkelna nangjana gita aro chatro chatrirang, an·tangtangni namnikgipa stream-rangko ra·na man·na gita pilak higher secondary skulrangon morning class-rangko a·bachengchina gitaba a·dokni Education Minister, dingtang dingtang higher secondary skulni principal-rangna ku·pattianiko on·angaha.
Ia bilsini SSLC porikkao chatro chatrirang 87.1 percent pass ka·ahani gimin ia bilsio sak 30,000-mangni gita chatro chatrirang, Class XI-o admission ra·na tikkeltokengachim ine nikna man·a.
SSLC porikkao pass ka·gipa pilak chatro chatrirangnan admission-ko on·na man·na gita a·dokni pilak sorkari secondary skulrangkon higher secondary-ni gadangona ra·dona gitaba sorkari tik ka·aha.
Je secondary skulrangan higher secondary section-rangko chalaina sikengachim, uandakgipa pilak skulrangnan sorkari, no-objection certificate (NOC)-rangko on·na gitaba ku·rachakaniko on·angaha.
Chatro chatrirangna biapko on·na gita cholrangko ra·gatchina Edu Minister didia
Date:
Share post:
