Baghmara: South Garo Hills a·jani, Chokpot Constituency-ni ningo ong·gipa, Mekalpagre songo donggipa Lower Primary Skul-o poraienggipa chatro chatrirangko namgipa skul ka·chakani nok dongjae, chonbegipa babilsi ba songchak ritchakani nok-osa, skigiparang chatro chatrirangko skul ka·chakna nangengani gimin bilongen neng·nikaniko man·a nangenga ine, Mekalpagre songni Secretary Willinson T. Sangma parakataha.
Mekalpagre songo LP Skul ge·samangmangsan dongaia jeon sak 25-na batgipa bi·sarangko class Nursery oni class 5-ona skie on·enganio aro skie ra·anio neng·nikaniko man·enga. Una agreba, Mekalpagre songni LP skulo skigiparang, class room dongjani aselo, bilsi-6 na batpile chonbegipa babilsion lekka poraiako skie on·enga ineba Sangma paratakaha. Uni gimin South Garo Hills a·jani bilo ong·e, jako ra·e kam ka·enggiparangko iani bidingo ta·rake nirokatpachina, Mekalpagre Songni Secretary Willinson T. Sangma molmolaha.
