Garo Hills-o Holy Week-ko mania

Tura: Garo Hills-o Catholic-rang meja Robibar sal Palm Sunday-oni Holy Week-ko manianiko a·bachengataha, uan Maundy Thursday, Good Friday aro Eastern Sunday- Resurrection Day ba Jisu Kristoni chakatpilaniko manie matchotanggen. Ia Holy Week ba rongtalgipa antiara Christian-rangna namen dal·begipa aro gamchatgipa salrang ong·a.
Maundy Thursday-ko Holy Thursday ineba agana, ia salo Last Supper-ko gisik ra·a. Jeon Jisu Kristo uni sninggiparang baksa Sacrament of Eucharist-ko a·bachengataha. Ia salo Catholic-rang Jisu Kristoni be·en aro an·chini chinko gisik ra·na Holy communion-ko ra·a. Ia apsan salon Jisu Kristo uni sninggiparangni ja·ako su·srangaha.
Good Friday-o Jisu Kristoko chisolo dakatpe so·otako gisik ra·e maniskaa. Ia salo okumu chake bi·aniko daka. Dingtang dingtang service-rangko ong·ata.
Tura Diocese-ni Bishop, Bishop Andrew R Marak aro Auxiliary Bishop, Bishop C J Jose- uamang Cathedral Church, Tura aro St Luke Church Walbakgre-o parishioner-rangni ja·ako su·surangaha.
Indake Bishop Andrew R Marak, Good Friday-o St. Luke Church-o bi·aniko dakdilangaha. Good Friday-ni message-ko on·aha.
Hajalni hajal catholic bebera·giparang bi·anio bak ra·angaha. Good Friday-ni salo bang·arangan okumu chake bi·aniko dakangaha. Garo Hills a·jani gimik bakrangon gilja nokrango tom·dake bi·aniko dakangaha.
Minggipin Sonibar walo Easter Vigil Service-ko ong·atangaha.