NEHU-o professor-ko dokani gimin AUSU rakgen jegalata

SHILLONG: NEHU-ni faculty member Hindi department-oni Dr. Alok Kumar Singh-ko uni an·tangni office chamber-o kragija dokako, Assam University Student’s Union (AUSU) indakgipa golmal ong·ani kamko ka·ako raken jegalataha.
Ian faculty member-ko chadrapamangmansan ong·ja indiba ian India-ni salgro salaram a·doko university community gimiko academic-ni jakgitelani, naljokani aro ku·cholsan ong·anio chadrapa ong·enga, ine Union aganaha.
“Indake so·otna jotton ka·ara dingtangmancha President NEHUSU-ni gita a·doko je Student Union-rangni dangdike on·ani character-ko ra·ongipa dake ning·tugipa bako ga·akenga ine parakatani ong·enga,” ine Union aganaha.
Ia somoio dos dakgipa manderangko rim·na nanga aro kakket bichalona ra·bana nanga ine AUSU dabiangaha.
“Indake dosi dakgipa manderangko ru·utatani grian BNS-ni ning·o pattoko donatako man·a kraa,” ine a·dok sorkari aro NEHU Administration-o dabiangani somoio Union aganaha.
“NEP 2020-ko ra·gatna on·a nanga aro academic institution-rango niam reti-rangko name dake rakkina academic system-ko bringbrangatna jotton ka·anio indakgipa kamrangko dakjachina a·dok sorkari ba NEHU Administration-rangoni authority-rang nirokna nanga ine AUSU dabiangaha. Somoi gita ja·ku de·ja ong·ode chinga drae kamrangko ka·anggen aro NEHU-o academic-ni environment-ko naljokatna ja·ku de·gen,” ine Union mikrataniko on·angaha.