SHILLONG: A·dok gimiko library-na rika cho·aniko namdapatna aro Shillong-o gital cinema hall-rangko rikan baksa Meghalaya sorkari mikkangchina re·mikkangenga.
Ia a·bachengatani bak ong·e Shillong-o ge-2 gital cinema hall-rangko kulina tarimanaha ine Arts and Culture-ni Minister Paul Lyngdoh parakataha. Uarangoni ge·sara, New Shillong-ni Lariti Complex-o Black Box theatre taria matchotna am·engaha aro jakkalna tariaha. Gnigipara Library Auditorium-ni gisepgriko rikna ta·raken a·bachengatgnok.
Ia biaprango joltangni filmmaker-rang aro artist-rangna uamangni changa sapaniko mesokangna mongsonggipa cholrngko on·a miksongani ong·a, ian dingtangmancha a·dok-tangni entertainment industry-ko bilakdapatna dakchakani ong·enga.
Shillong-ni apalrangoba cinema-na rika cho·ani-rangko dakangnaba chan-chisoaha.
Apsan dakgipa cinema hall-rangko gipin district headquarter-rang baksa Jowai aro Tura-rango ia bilsini gisepon a·ba-chengatna ka·dongsoenga ine Lyngdoh aganaha.
A·dokni changgipa sapgipa community-rangko dakchakangan baksa manderangni ru·uta somoi-rangoni dabienggipako ra·bana iarangan jotton ka·ani ong·enga ine ua aganaha.
Rika cho·animangmang-san chu·ongaia ong·aija, industry-ko namen tang·-doatna namgipa gadangni namdapanikoba dong-chongmotatna nanga. Iani bidingo ua kan·dike talatangaha, jeon Meghalaya a·dokmang-mangsan India-o OTT platform, Hello Maghalaya-ko sorkari dakchake a·bachengataha, ine Lyngdoh aganaha.
Cholrang jeon Khasim Pnar aro Garo ku·sikrango jawilwatrangko, gitrangko aro music-rangko meso-kanganirang bang·bate mingsinganirangko man·engaha aro a·gilsak gimikni audience-rangkoba bang·bate gisik salna man·engaha
Lyngdoh-ni parakatani gitade museum-o namgipa cha·totaniko, jatni dak-bewalrangko mesokangna, aro Maghalaya a·dokni dingtang dingtang jatrangni salantio njanggi tanganiko mesokangna advance technology-ko jakkalanggen.
Museum-ko kuliahaode da·o dakenggipa Library Auditorium-ko dikdiksana Rilbong-ona jitatgen. Uni ja·man iako Brookside-ona jitatgen.
Tagore Museum project-oba kamrang ong·angengaha.
