SHILLONG: Chief Minister guide book-ko parakatanina changsatai Voice of the People Party (VPP) matnange, “ian mikkangchi education-ni standard ba gadangko tang·onatgen, college-rango neng·nikanirang donggen aro national level-o susaanio bilongen ja·manchakatgen’ ine aganaha.
“Student-rangna SSLC guidebook-ko chinga ra·chakna man·teljawa, chingni namnikgijaniko parakman·jok mikkangachiba dingtangjawa, ine VPP-ni chief aro Nongkrem -ni MLA Ardent Basaiawmoit aganaha.
Ia bilsini SSLC porikkani percentage tang·doani gimin aganengon, “pass percentage baridapanichi maidakgipa obostarang nakataha, iako an·ching nikenga, pass percentage-de tang·dojok indiba college-rangon admission man·a neng·skaenga, mai namgni ong·jok?, Student-rang college-o admission man·a neng·enga, maina college-rangon uamangna biaprang dongjaenga.”
“Ia guide book-ko parakate sorkari dal·bea gualaniko dakaha. Pass percentage-ko bariatanisakon nina nangja, education-ni quality-koba nina nanggen aro student-rangni mikkangchinikoba nina nanggen. Jensako a·dokni a·palona ong·kate susaaniko chagrongaon maidakgipa neng·nikarangko chagrongna nanggen. Uni gimin chinga ia guide book-ko ra·chakna man·jawa. Sorkari, education-ni gadangko ra·onasa CM guidebook-ko parakataha, ian student-rangna maming namgniko ra·bajawa, ine VPP-ni chief aganaha.
VPP, iana skangba CM IMPACT guidebook-ko jegale iako bon·atchina dabiaha. Ian Meghalaya-ni education-ko nosto ka·gen ine aganaha.
Ia bilsi Meghalaya’s Secondary School Leaving Certificate (SSLC)-ni pass percentage 87.10 %-ona tang·doaha. Iana de·mittelaniko aro matnanganiko minggniko bang·en man·enga.
