Sunday, June 29, 2025
spot_img

CUET centre-rangko man·dapani ja·man a·dokni chatro chatrirangna biaprangko sualpila

Date:

Share post:

spot_imgspot_img

SHILLONG: Ia 2025 bilsini Common University Entrance Test-Under Graduate (CUET-UG)-ko sena gita a·dokni mitam chatro chatrirangna chel·gipa a·dokrangosa centre-rangko tikatani ja·man a·dok sorkari, National Testing Agency (NTA)-na sedoatenba da·o a·dokon CUET centre-rangko man·dapaha aro uandaken gipin a·dokrango CUET-ko sena nangenggipa chatro chatrirangnaba da·o gital dake centre-rangko sualpiltaiaha ine Education department-ni Commissioner & Secretary Vijay Kumar Mantri parakataha.

Mantri-ni u·iatani gitade, gipin a·dokrango CUET-ko sena gita centre-rangko tikata man·gipa chatro chatrirangnaba da·o a·doktangon centre-rangko sualpiltaiaha.

Porikka sechakani centre-rangko sualanio a·dok sorkaride maming bak dongpaja ine janapatengon, examination centre-rangkode NTA-sa, automated software system-ko jakkalenba suale on·enga ine Education department-ni Commissioner & Secretary parakataha.

Ia automated software system-ara, candidate sakprakni dorgastorango gapatani krisa centre-rangko suale on·a ineba Mantri talataniko on·angaha.

Ia 2025 bilsini CUET-UG-na Meghalaya a·dok gimikni sak 12,685 chatro chatrirang register ka·aha indiba Meghalaya a·doko centre-rang chu·ongjani a·selo sak 7742 candidate-rangnasan a·doko centre-rangko tikate on·na man·aiahachim. Sak 4943 candidate-rangnade Meghalaya a·dokni a·palrangosa centre-rangko tikate on·na nangaha aro ianoni sak 4654-de Assam-o indiba sak 289 candidate-rangnasa Meghalaya aro Assam a·dokni a·palrango centre-rangko tikatskaahachim.

Ia sak 289 candidate-rangoni sak 93-nade salgro salaramni a·palrango centre-rangko tikate on·aha aro saksanade uni dorgastoo gapatani kri Port Blair-o centre-ko on·aha ine Education department-ni Commissioner & Secretary talataniko on·angaha.

Centre-rang chu·ongjani gimin ja·manchake u·iatani bidingo janapatskaengon, ia 2025 bilsini CUET-UG-na a·doko examination centre-rang chu·ongjani gimin NTA, a·dok sorkarina seng·gnang u·iatsamsojaha aro adita sak chatro chatrirangna Meghalaya-ni a·palrango centre-rangko tikatani ja·mansa ma·sina man·aha ine Mantri parakataha.

Iani bidingo a·dok sorkarina u·iatani ja·man, a·dokni dingtang dingtang biaprango donggipa dam 800-na baten computer centre-rangko ra·dapaha aro iani bidingo NTA-na u·iatenba da·o chatro chatrirangna a·doktangon centre-rangko suale on·na man·aha ine Mantri parakataha.

spot_imgspot_img

Related articles

Arshdeep in spotlight as India rethink strategy ahead of 2nd Test

Birmingham, June 28: With India trailing 0-1 in the five-match Test series against England, preparations for the second...

India slip to eighth, Sri Lanka in third spot in updated WTC standings

New Delhi, June 28: India’s early setback in the ICC World Test Championship (WTC) 2025–27 cycle has been...

Jayasuriya’s fifer helps SL rout B’desh by innings and 78 runs

Colombo, June 28: Left-arm spinner Prabath Jayasuriya took his 12th five-wicket haul in Test cricket to lead Sri...

Messi’s PSG Reunion, European heavyweights clash in Round of 16

New Delhi, June 28: The much-anticipated knockout phase of the revamped FIFA Club World Cup 2025 kicks off...