SHILLONG: China aro Pakistan a·songrang baksa so·sojengjeng ong·engon, Tura MP Saleng Sangma, Bangladesh a·song baksaba je somoioba golmalrang ong·ani chol dongnaba donga ine mikrakatsoaha aro ia sima arirango dongenggipa BSF dolko sorkari bilakdapatna nangchongmotenga ineba janapangaha.
Golmal a·selrangko niaton, mikkangchini gimin mamingkoba agansona man·jaenga aro je somoioba Bangladesh baksana ong·aigen, ine kobor ra·timgiaprangna Sonibar salo Saleng Sangma aganaha.
Salgro salaram gimik aro Meghalaya a·dokba Bangladesh a·song baksa bakrobegipa sima ariko suale dongani gimin aganaha, sima ari gimiko fence-ko ka·na nangani bidingo Union Ministry-ko ua skangan mol·molangaha, ine ua u·iataha.
“Jaintia aro Garo Hills-rango BSF-ni ge-gni a·tiprangko tariangna am·enga aro a·tiprangna biaprangkoba sandiengaha,” ine ua aganaha. Sorkarini mamingkoba dakangjaenganina ua matnangataha aro Bangladesh-oni aro Rohingya-ni bang·a manderangba Garo Hills-oni biaprangko ra·engaha, ine ua aganaha.
BSF-ni biapo bangbang ong·enggiaprango gapatangna nangani bidingo gisiko nangbate aganangan baksana sima arirango BSF dolkoba bilakdapatchina Ministry of Home Affairs-na ua chittikoba seatmanaha ine Sangma aganaha.
Batanggimin jarango bang·a Bangladesh-ni manderangko Meghalay-ni gita India-ona napna jotton ka·enggiparangko a·dokni dingtang dingtang bakrangoniko ma·sienba rim·aha, ine chittio janapataha.
Salgro salaram a·dokrangko uamangni ra·gopna sikaniko Bangladesh-ni mitam chalaienggiparangni aganani ja·man India aro Bangladesh a·songrangni gisepgriko a·sel ong·engipako olgroke ra·enga.
Sima ario BSF dolko bilakdapatchina Tura-ni MP, Union Ministry-ko mol·mola
Date:
Share post:
