SHILLONG: India-ni kosako chrik a·bokanga aro toromni bidingo ka·onanggrikani kattarangko Garo ku·siko agane gipatenganina sakgni manderangko North Garo Hills police rim·aha aro India-ni kosako Pakistan-chi chadrapanina chakpaaniko kattarangko social media-o aganangaha.
Silgring D Sangma-ni Facebook account-oni, social media jekai Facebook aro Whatsapp-o gipangaha, jeon sakgni manderang Garo ku·siko India a·songtangni kosako ka·onanggrikanirangko aganangaha.
Uni tarigipa video, India-ni ku·mong nangrimani aro jakgittelani kosako tariaha aro dingtangmancha ian da·o ong·enggipa a·selo pangchake aganaha, ine sorkari aganaha.
Iani bidingo, North Garo Hills District-ni District Administration, badi ka·ani lekkako Bajengdoba Police station-o on·aha.
Mamlako am·sandiani somoio, North Garo Hills District Police, sakgni manderangko namgijagipa kamo jak dongpaanina rim·aha, uamangni bimingrangara, Bajengdoba Police station-ni ning·o ga·akgipa Chorebolbok-oni Silgring D Sangma aro Chambildam songoni Asbath B. Marak. Uamangko Sonibar salo rim·aha aro mamlani bidingo am·sandianiko dakangkuenga.
