TURA: West Garo Hills a·jani Selsella C&RD Block ning·o donggipa Haldibari Higher Secondary skulo Garo skigipa dongjani a·sel Garo subject-ko ra·e poraienggipa chatro chatrirang neng·nikanirangko chagrongna nangtokenga ine Selsella-o dingtang dingtang dolrangni nangrime bikotgipa All Selsella NGOs Alliance (ASNA) parakatenba, ia skulna ta·raken Garo skigipako on·china West Garo Hills School Education & Literacy-ni Joint Director-na sedoataha.
Iani bidingo School Education & Literacy-ni Joint Director-na seachi u·iatengon, Haldibari HS skulo Class XI aro Class XII-ko poraienggipa chatro chatrirangoni Garo MIL aro GSL-ko ra·gipa chatro chatrirang bang·en dongachim indiba ia skulo Garo skigipa dongjani a·sel chatro chatrirang neng·nikanirangko chagrongna nangtokenga ine ASNA parakataha.
Skulo Garo subject-ko skigipa dongjani a·sel chatro chatrirangni poraianirango nangchakeanirangko ra·banaba gnang ine janapatengon, “Indian Constitution-ni Article 350A-ni ning·o ma·tangni ku·sikko skie ra·na bilrangko on·manahani gimin ia Haldibari HS skulna Garo skigipako seokna ta·raken ja·kurangko de·china chinga didienga,” ine All Selsella NGOs Alliance, School Education & Literacy-ni Director-na sedoatgipa chittio parakataha.
 |
ReplyForward
|