SHILLONG: Tura-ko Winter Capital songchina dabianio, Meghalaya Legislative Assembly-ni Speaker Thomas A Sangma-ba chakpaaniko on·angenba, ia dabiani be·en pil·bebegenchimode Garo Hills-ni saksa seokako man·gimin dilgipa ong·e kusi ong·begen ine parakataha.
Indake ong·genchimoba, sorkarini songe on·gipa committee-ni final report-ko pilakan ra·chakna nanggen ine ua aganskaaha.
“Tura-ko Winter Capital songchina dabiani be·en pil·bebegenchimode Garo Hills-ni dilgiparang ong·e chingaba namen kusi ong·gen indiba dilgiparang ong·e, chinga name chanchiesa ja·kurangko de·na nanga. Meghalaya a·dokara namen chonbegipa a·doksan ong·aia aro an·ching an·tangtangari janggi tangchengna man·na nangenga,” ine Sangma aganaha.
Tura-ko Winter Capital songchina dabienggipani bidingo cholrangko nina gita committee-ko songahani gimin ua dingtangmancha sorkarikoba mittelpilangaha.
Winter Capital-ko songani bidingo cholrangko nina gita sorkarini songe on·gipa committee da·o dipet chu·soksranggipa ong·kujaengoba ia committee-ni daitoara, dingtang dingtang biaprango songdongenggipa manderang aro dingtang dingtang dolrangni chanchianirangko ra·e sorkarina recommend ka·anian ong·engachim.
Ia committee-ko chief minister ba chief minister-ni seokgipa minister dilgen aro ia committee-o bak ong·na gita political dol ge·antikon membor sakgniko seokchina u·iataha.
Ia committee-ni chanchirimanirango nangchakegipa sorkari department-rangkoba bak ong·atgen.
 |
ReplyForward
|