TURA: West Garo Hills a·jani a·kawe jolrango chi bananiko champengna gita Chibinang jolo donggipa embankment ba guareko adita salrangna skang mikkarang jimbee waanganichi chi bananio pe·angahani gimin Rongai chibimani guareko gital dake rikpiltaichina All Meghalaya Minority Students Union (AMMSU) didiataha.
“Adita salrangna skang mikkarang jimbee waanganio chirang bananichi bang·a biaprangon a·a ruronganirangko nikna man·aha aro Rongai chibimani bang·bata guarerangkoba pe·angaha. Da·osa wachini somoirang a·bachengkuaiengani gimin mikkangchiba iandakgipa a·selrangko bang·en chagrongangna nangkugen, uni gimin ia chibimako gital dake guare kapiltaichina chinga sorkariko mol·molenga,” ine AMMSU-ni president Nur Islam parakataha.
AMMSU-ni parakatani gitade, adita salrangna skang chirang bananganio, ia chibimani rikamo donggipa bang·a nokrangan nosto ka·ako man·tokaha indiba rasong gnange ia changode manderangni sianirang dongjaha.
“Rongai Valley MIP, Chibinang-on donga indiba tangkarang dongjani a·selo iako chu·sokatna man·kujaenga. Contractor-naba tangka paisarangko on·chipjanan kamrangko ka·na sikjaenga. Uni gimin office-ko name chalaina man·na gita aro nosto ka·a man·gipa guarerangko taripilna man·na gita jagittamprakon tangka paisarangko watatchina chinga sorkariko mol·molenga,” ine Islam parakataha.
Ia office-ko sorkari chalaina gisik nangjaenga ong·ode chipe donatsrangon nambatgen maina kam gri dormaha on·e dongaiode maming namgni dongjawa ineba ua parakataha.
Chibinang jolo Rongai chibimani guareko rikpiltaichina AMMSU didia
Date:
Share post:
