SHILLONG: NEHU-ni obostarangni tom·tomjaenganiara, A·dok sorkarini namatna kamrangko ka·jaengani a·selba ong·enga ine Opposition-ni dilgipa Dr. Mukul Sangma Sukrobaro aganaha.
“NEHU-o so·sojengjeng ong·anichi Education sector-o neng·nikanirangko nikna man·engon maming dakeba a·dok sorkari oniko namatpilna kam ka·ani chin rangkoba niksoja,” ine Mukul Sangma kobor ra·timgiparangna aganaha.
Ua indake agana ian a·dok sorkari aro ma·mong sorkarini adita ja rangna ong·enggipa so·sojengjengko nama miksonga ona ra·bapilna kamrangko ka·ani ong·a aro indake agantaia ian a·dok aro ma·mong sorkari apsan atchonge maini gimin indita ja rangna nama miksonga ona ra·bana man·jaenga ine chanchirimaniko dakna nanga maina NEHU-ni mikkim rasong-ko nosto ka·a baksana ong·na kragijagipa obostarangkoba nikna gita man·enga ine aganaha.
NEHU-o ong·enggipa obosta ba nengnikanirangko A·dok sorkari ni gita rangsan chadrapna gita man·ja maina ian ge Central University ong·a ine agananirangko aganaba donga ine aganaha.
North-Eastern Hill University (NEHU)-o so·sojengjeng ong·engmitting somoio sakgni senior official rang Ministry of Education-ni gita Shillong Campus ona re·bae niangaha.
Ministry of Education-ni Sunil Kumar Barnwal, Additional Secretary; aro Subrat Kumar Pradhan, Department of Higher Education-ni Director, mang re·bae ia University-o skienggipa membor rang baksa, Dean rang baksa aro Heads of Department rang baksa apsan tom·e chanchirimangahachim.
Uamang re·bae University-o ong·enggipa obostarangko niangani jaman skango gitan nampilgen ine ka·donganirangko on·angaha aro uamangni ka·donganiko on·achi NEHUSU rangba University-ni Vice Chancellor-ko ra·galna dabianirangko dontongate donangaha.
