TURA: Adita salrangna skang, South West Garo Hills, Ampatio Ayush Medical Officer aro Yoga Instructor-ni kamna manderangko seokanio A·doktangni mongsonggipa jat gittam Garo, Khasi aro Jaintia jatrangonikode saksakoba kamo rakkijani gimin A·chik Holistic Awakening Movement (AHAM) South Western Zone, Ampati, South West Garo Hills-ni Deputy commissioner-na badi ka·angaha.
Kamo rakkigiparang Muslim jatrangonisa aro uamangoni 90% mangni gitade Meghalaya-ni a·paloni manderangsa ine AHAM aganaha. Janapatgimin kamrangna re·anggipa May 15 tariko interview-ko ra·aha, jeni reuslt-kon May 20 tariko parakatahachim. Indake A·dokni mongsonggipa jat gittamkon watchanggale kamo manderangko rakkianina AHAM suk ong·gijaniko parakaha.
AHAM-ni janapatani gita, skang kamna adverstise ka·mitingode ajoltangni candidate-rangna cholko bang·bate on·gen ine janapachim, indiba da·o result-rangko parakatani ja·manode a·doktangni tribal manderangkode ra·an ra·srangjaha. Unigimin indakgipa mikkang nitee kam ka·anirangko chinga ra·chakna man·ja aro rakgen jegalaha aro AHAM, RTI-koba on·aha.
Unomitingo, a·doktangni tribal manderangna chanchichakenba parakatgimin result-rangko ra·galpilchina gitaba AHAM dabiaha.
Unaskang gipin gipin NGO-rang jedake GSU, AYWO, ACHIK ugita gipinrangba iarangni bidingo jegalanirangko dakangan baksa Reservation Policy-o pangchake manderangko kamo rakkichina gita raken dabiaha.
