BAGHMARA: South Garo Hills a·jao ra·gate ka·enggipa sorkarini dingtang dingtang scheme-rangko nipilna gita Budbar salo, a·dokni Education Minister Rakkam A Sangma, dingtang dingtang department-ni officer-rang baksa, Baghmara-ni District Resource Centre-o tom·aniko ong·atangaha.
Ia tom·anio, dingtang dingtang department-ni ning·o ra·gate ka·enggipa scheme-rangko nipilangan baksana National Highway 217 ramana a·arangko ra·anio chagrongna nangenggipa neng·nikanirangkoba Cabinet Minister nipilangaha.
Una agreba ia tom·anio, lekka porani dingtang dingtang kamrang, Jal Jeevan Mission (JJM)-ni ning·o matchotgija dongenggipa kamrang aro Baghmara jolo mande gopani ba mande so·ani biaprangko sandiani kamrangkoba Cabinet Minister niangjolaha.