Ampati: Adita salrangonin mikka jimbee wagenchimoba aro kamtango jakchakgija ong·genchimoba South West Garo Hills-ni Deputy Commissioner, IAS Hema Nayak, Sonibar salo Betasing C&RD Block-ni ning·o rikenggipa Block Institute of Teachers Education (BITE)-ni kamko nirokeaha.
Deputy Commissioner Nayak baksa College of Teacher Education (CTE) Rongkhon, Tura-ni official-rang re·angpaha. Gital rikenggipa institute-ni kamko nirokeon Deputy Commissioner, kamrang bilongeng ka·sinengani gimin suk ong·gijaniko parakaha. Ia institute-ara jolni chadamberangna baditan gamchata iako janapate, institute-ko ta·raken dongimin somoio matchotatchina aganaha.
Indake ong·engon DC, ia gital rikenggipa institute-ko ta·rake matchotatna chugipa gadango donggipa authority-na u·iatna ge·etaha. Unbaksana kamko name dake nirokna gita daitoko ra·gipa department-ko nirokgipako seokchina ge·etaha.
Iarangni gisepon DC, stakeholder-rang baksa ta·raken tom·e chanchirimgen, jeon project-ko ta·rake matchotatani bidingo chanchirimgen.
