Tuesday, July 1, 2025
spot_img

COVID sajinmana kenjagokna nangani dongja: Health Minister

Date:

Share post:

spot_imgspot_img

SHILLONG: India a·songni gipin biaprango COVID sajinma giprorotaiengahani gimin manderangni gisepo kenjagokanirang ong·katengon, a·doko COVID sajinmako warachakna gita chu·gimik tarisamsomanaha aro manderang iana kenjagokna nangjawa ine Budbar salo, a·dokni Health Minister Ampareen Lyngdoh parakataha.

Lyngdoh-ni aganani gitade, COVID-nasan ong·aigija pilak sabisirangnan a·doko nanga gita tarisamsoahani gimin kenjagokna nangani dongja.

“Re·anggipa antiosan chinga internet gita Union Health Minister baksa iani bidingo chanchirimanaha aro Meghalaya a·doko ia sajinmako warachakna gita tarisomanaha ine chinga una u·iataha,” ine Lyngdoh, kobor ra·timgiparangna aganaha.

Nangani kri sorkari kamrangko ka·angaigen ineba ua aganaha.

A·doko songdongenggipa manderangko kenjagokjachina gita didiatengon, “2019-2020 bilsirango gipanggipa COVID-ara pilak a·songrangon aro pilak a·dokrangon kenjagokataniko on·angaha indiba da·ode obostarang ua gita ong·jaha. Da·ororo man·enggipa Covid-kode a·songni dingtang dingtang a·dokrango, dingtang dingtang sanna banani cholrangchin namatna man·aia,” ine Health Minister aganaha.

Name ma·sichenggija skatang social media-rango tol·gipa koborrangko gipatjachina gitaba ua manderangko didiataha.

“Saoba Covid-ni chinrang donga ine nikgenchimode Covid-ko warachakna dongimin dingtang dingtang niamrangko ja·rikchina, dingtang noko nape dongchina, somoi gita samrangko ringchina anga mol·molatna ska. Ia niamrangko ja·rikanichi an·ching an·tangtangkosan ong·aigija sakgipinrangnaba naljokaniko on·na man·a,” ine Lyngdoh aganaha.

Covid-na porikka ra·ani bidingo sing·anina aganchakaniko on·angskaengon, “Porikkarangko ra·genchimoba ra·jagenchimoba an·ching pilakan Covid-ni niamrangko tale ma·sigiminrang ong·a. Na·simango maiba jajaanirang dongode aro Covid-ni chinrang konta 72-mangni gisepo komijagenchimode an·ching an·tangtangan dakna nanggnirangko ma·siani gimin an·tangtangan dakna nanga,” ine Health Minister aganaha.

spot_imgspot_img

Related articles

Delink railways from ILP demand: Shylla

By Our Reporter SHILLONG, June 30: United Democratic Party leader and Cabinet Minister Kyrmen Shylla, on Monday, said that...

Jilted lover slits woman’s throat in public in Mairang

By Our Reporter SHILLONG, June 30: A 27-year-old woman, Phyrnailin Kharsyntiew, tragically lost her life on Monday evening after...

Now, guides compulsory for tourists planning outdoor activities in state

By Our Reporter SHILLONG, June 30: In a move prompted by the deaths of two tourists in the state,...

Gifted Rs 16 lakh jewellery to Sonam: Raja’s brother

Vipin Raghuvanshi said that he handed over pictures of gold and silver jewellery, worth Rs 16 lakh, to...