Tura: Sonibar salni bako Don Bosco Higher Secondary School,(DBHSS) Tura, ‘World Environment Day’ ni bak gita Ganolgre songo rongtal an·talatani ko dakangan baksa tree plantation drive koba ong·atangaha.
Ia tree plantation drive aro cleanliness program ko songo ong·atengon ian rongtal an·tale dongan baksa burung bolgrimrang ko ripinge rakkiangna gita songni nokni manderangna awareness program ba ong·jolangaha.
Ia program ko ong·a-tengon Don Bosco Higher Secondary School, Tura ni Vice Principal Shri. Ravi Eka, ni dilanichi, sak 35 skigiparang aro sak 285 chatro chatri rang bakko ra·angtokaha. Ia program o school chadamberang, skigiparang aro songni mande rang baksa ku·cholsan ong·e dingtang rokom ni bolrangko songni samtangtango ge·aniko dakangenba songni manderangna bol wa·a ni gamchatani giminba skie on·angjolaha.
Ia program o Social Forestry ni Ranger, Smt Marthilina Sangma, ba dongpae bol wa·ani gamchatani bidingo songni manderangna agan ku·-pattianiko on·dapangaha.
