TURA: West Garo Hills a·jani Demdema C&RD Block ning·o block resource person (BRP)-ni kamna manderangko seokanio, a·dokni Reservation Policy-ko ja·rikja aro kamna seoka man·gipa manderangara Scheduled Tribe (ST) candidate-rang ong·ja ine Rajabala-ni dingtang dingtang NGO-rang, chong·motan GSU, FKJGP, GSMC, ASPF, NGCO aro APA dolrang matnangatenba, ia kamna ra·aniko den·galpilchina West Garo Hills a·jani District Mission Coordinator (DMC)-na sedoataha.
DMC-na sedoatgipa chittio NGO-rangni parakatani gitade, BRP-ni kamna Demdem BMC-o candidate sakgni, Selsella BMC-o candidate sakgni aro Tikrikilla BMC-na candidate sakbriko ra·na gita u·iatanirangko on·manahachim aro ia kamrangara, ST category aro local candidate-rangnasa miksonge dongimin kamrang ong·achim.
Indake ong·genchimoba, Demdema BMC-o state reservation policy-ko ja·rikgija aro ST category-ni ong·gijagipa candidate sakgnikosa kamo ra·skaaha ine NGO-rang matnangatenba, ia kamna ra·aniko den·galpilchina aro gital dake candidate-rangko seoktaipilchina West Garo Hills a·jani DMC-ko didiataha.
“Demdema BMC-o BRP-ni kamna ra·gipa candidate sakgniara ST category-oni ong·jani gimin ian Reservation Policy-ko pe·ani gita ong·enga aro iako chinga raken jegala. Uni gimin ia block-o BRP-ni kamna candidate-rangko gital dake seoktaipilchina chinga dabienga,” ine NGO-rang parakataha.
Demdema Block-o BRP-ni kamna ra·aniko den·galpilchina NGO-rang dabia
Date:
Share post:
